Deputeti i Lidhjes Demokratike të Kosovës, Avdullah Hoti, ka thënë se Komisioni Qendror i Zgjedhjeve (KQZ), ka dështuar në menaxhimin e procesit zgjedhor.

Me në të një postimi në Facebook, Hoti ka theksuar se rezultatet e zgjedhjeve të fundit, të shpallura pas pesë javësh, tregojnë se sistemi ka dështuar në sigurimin e një procesi kredibil dhe me integritet, përcjell Arbresh.info.

Postimi i plotë:

Shpallja e rezultateve të zgjedhjeve pas 5 jave tregon dështimin e sistemit për menaxhimin e procesit zgjedhor.

KQZ-ja ka dështuar të siguroj një proces zgjedhor kredibil e me integritet.

Kjo është për keqardhje pas disa palë zgjedhjeve të organizuara sipas standardeve evropiane, që e veçonin Kosovën nga vendet e tjera të Ballkanit.

Kjo është për keqardhje pas kulturës demokratike të treguar nga qytetarët në ditën e zgjedhjeve.

Njollë e këtyre zgjedhjeve do të mbetet edhe çështja e votave nga diaspora, për të cilat janë hedhur dyshime, si për votimin në ambasada/konsultata, ashtu edhe për votimin me postë.

Këtë nuk e ka merituar Kosova. Për këto dështime duhet të ketë përgjegjësi politike dhe ligjore./Arbresh.info